مدينة دبــيّ التعليقات الأخيرة :

السلام عليكم و رحمة الله و بركاته، بنات أنا قريت تعليقاتكم و أفكاركم و أحترم رأيكم بشدة و أنا فاهمة و متأكدة إنه في بنات حتى لو كان كلامهم قاسي على المعلمات يمكن عانوا نوع من الظلم المعنوي أو الشخصي من التعليقات أحس في وايد بنات شالين في خاطرهم على بعض بس في الأخير إنتوا كلكم بنات ناس و مسلمين ماشاء الله عليكم و ما أعتقد إنه وحده منكم أهلها قصروا في تربيتها من أي ناحية فليش تكتبون كلام و تبينون للناس إنكم عكس اللي إنتوا عليه يوم تهينون المعلمة أو الطالبة هذي إهانه لنفسج قبل لغيرج لأنج بها الطريقة تقولين للناس شوفوا انا في البيت ربوني بطريقة غلط و استويت جي بنات فكروا إنتوا ترضون حد يقول عن أهاليكم جي ترضون حد يقول عن أمج إنها ما عرفت تربيج و الله عيب بالنسبة للمعلمات ، يمكن في معلمات مثل ما قلتوا يسوون أشياء ما تعيبكم أو إنتوا ما تفهمونها لكن اتحطون إسمهم و ترمسون جي ما يستوي يا بنات باجر حد بيرمس عنكم بنفس الطريقة إذا إنتوا بتنسون ها اليوم الله ما بينسى لكم ها الشي و بيي اليوم اللي بتكونين محتاجه اتحافظين على سمعتج و بيي حد يخربها و كما تدين تدان بنات انا ما ألومكن أنا اخاف عليكن و حرام عليكن لأنه هاي سمعتكم قبل سمعة الأبلوات بعدين أنا أعرف انه بعضكم يتحرون إنه هم أحسن عن غيرهم بس إنتوا ما لكم علم في ها الشي يمكن إنتي اللي هاي اتشوفينها أسوأ ما يكون في يوم تستوي أحسن عن كل حد و تسير الجنه و الفردوس و إنتي تدخلين النار بنات أنا اقولكم لا ترمسون عشان باجر لحد يرمس عنكم و عشان باجر ما يستوي لكم الشي قال رسول الله صلى الله عليه وسلم : « ثكلتك أمك يا معاذ وهل يكب الناس في النار على وجوههم أو قال على مناخيرهم إلا حضائد ألسنتهم » . ... بناتي أنا أبا ألتقي فيكم في الجنة و ما أبا اشوفكم يالسين تتعذبون عشان كلام فاضي ماله معنى يلا بناتي أنا آسفه إذا غلطت على حد ها الكلام للكل و السموحة ^^